Ինչպես ընտրել կաշվե կոշիկ. գնորդի ուղեցույց

Կաշվե կոշիկը ներդրում է, որն արդարացնում է իրեն ամեն օր․ երկար է ծառայում, պահում է ձևը և ժամանակի հետ միայն ավելի հարմարավետ է դառնում։ Բայց խանութում որակյալ զույգը միջակից տարբերելը միշտ չէ, որ հեշտ է։ Այս ուղեցույցում հավաքել ենք այն ամենը, ինչ արժե իմանալ գնումից առաջ։

Ինչու՞ հենց բնական կաշի

Բնական կաշին «շնչում» է․ ոտքը չի քրտնում այնպես, ինչպես արհեստական նյութերի դեպքում։ Այն աստիճանաբար ընդունում է ոտքի ձևը, դրա համար էլ կաշվե կոշիկը երկրորդ շաբաթից զգացվում է այնպես, կարծես տարիներ եք կրել։ Եվ ամենակարևորը՝ ճիշտ խնամքի դեպքում որակյալ զույգը ծառայում է հինգ տարուց ավելի։ Նյութի մասին ավելին կարող եք կարդալ Վիքիպեդիայի հոդվածում։

Ինչպես ճանաչել բնական կաշին խանութում

Մի քանի պարզ ստուգում, որ կարող եք անել հենց տեղում։

Հպեք ափը․ բնական կաշին ձեր ձեռքի տակ տաքանում է մի քանի վայրկյանում, արհեստականը մնում է սառը։

Նայեք մակերեսին․ բնական կաշվի ծակոտիներն անհավասար են ու չեն կրկնվում, արհեստականի նախշը գնում է միանման հատվածներով։

Թեթևակի սեղմեք․ բնական կաշին մանր ծալքեր է տալիս և անմիջապես վերադառնում է ձևին։

Հոտը նույնպես հուշում է․ իսկական կաշին ունի յուրահատուկ, հաճելի հոտ, որը սինթետիկ նյութերը չունեն։

Ուշադրություն կարերին ու ներբանին

Որակյալ կոշիկի կարերը հավասար են, առանց կախված թելերի։ Ներբանը պետք է ճկվի ոտքի հետ․ բռնեք կոշիկը քթից ու կրունկից և թեթևակի ծալեք։ Եթե ներբանը քարի պես կոշտ է, ոտքը քայլելիս արագ կհոգնի։ Նայեք նաև ներսը․ լավ կոշիկի աստառը նույնպես կաշվից է։

Փորձեք ճիշտ ժամին

Կոշիկը փորձեք օրվա երկրորդ կեսին, երբ ոտքը մի փոքր այտուցված է․ այդպես չափսի հարցում չեք սխալվի։ Քայլեք խանութում գոնե մեկ-երկու րոպե։ Որակյալ կաշվե կոշիկը հարմար է հենց առաջին քայլից․ «հետո կբացվի» արդարացումը լավ զույգին պետք չէ։

Իսկ գնումից հետո՞

Գնումից հետո ամենակարևորը խնամքն է․ մաքրում, սնուցում և ճիշտ պահպանում։ Այդ մասին մանրամասն գրել ենք կաշվե կոշիկի խնամքի մեր ուղեցույցում։

Nine Shoes-ում հավաքել ենք բնական կաշվից կոշիկների տեսականի․ դիտեք այն այստեղ կամ փորձեք տեղում՝ Երևան, Աբովյան 19 հասցեում։ Եկեք, կօգնենք գտնել ձեր զույգը։